خرابيط مجمعه : اتش آند ام , سنتربوينت , كآرفور , مآك .. Hauls ♥

السلآمم عليكم وآلرححمه 

ششحآلكككم .؟؟ آن شآء الله بخخيير p:

بنزل لكم مشتريآتي ل آخر مره [ مب اليوم لآ من قبل ] لآن في بنآت طلبو مني آنزلها مع انها خرابيط هع

طبعآ لمآ آشتري الاغراض بعد آسبوع آصورهآ , وبعد آسبوع آحطهم ع البلوق لوول , كسل الله وكيلكم , المشتريات 

من العين مول : مآك , اتش آند ام 

من الجيمي مول : سنتر بوينت , كآرفور 
طبعآ البوسست طويل حبتيين ومحششي كلآمم خخخخ , لآ تنسون العصير والشبسآت ->> آووت xxD

[ اتش آند ام ] 

بآليت شدو سموكي , عندهم كذآ درجه منه فيه ع الآسود والبنفسجي والآخضر وغيره 

آذكر شفته من قبل ع الانستقرام عند وحده وعجبتني آلوانه والسوآتش لـ هالدرجه تحديدآ 

ولما خطفت ع المحل جربته حسيته حليوو , ف قلت بجربه خصوصا انه مب خساره سعره بـ 29 بس وآلوانه رووعه 

بس آكييد قبل الاستخدآم يبآله برآيمر يوضح اللون آكثر 

وآفضل البرايمر بالنسبه لي نكس البيج أو الابيض عآدي آي وآحد + برايمر اربان ديكي 

وبعد الجآمبو بنسل من نكس روووعه كلممه شوي عليه لآنه يثبت الششآدو صددق , آستخدمو لون تقريبآ نفس لون الجفن أو مآ يبين وآيد

عقب آستخدمو آي شآدو تبوونه ^.^

[ سنتر بوينت ] 

خطفت عقب لـ سنتر بوينت لآني كنت آبغي روجين + كحل بيج 

 وفي كم غرض عجبوني خصوصآ للجآمعه مدآمهآ قربت ومآبقى عليهآ شي 

بسس تقريبآ فآآضضضي , كل ما بغيت شي قآلو مخلص , أروآج نكس المات وريفلون وريميل شآطبين عليهآ كلهآ 

مآسكرآت ميبلين والجيل لآينر كككله مخلصص ولآ حبه , الكححل يالله تحصلين الدرجه الي تبينهآ , يالله بالسستر بس 

وآييد المدح على هالفآونديششن , وخصوصا انه شبيه فورايفر آتش دي 

الي حمسني له انه شي نوعين منه , نوع للبشره الدهنيه والمختلطه , ونوع للبشرة الجافه والعادية 

بس الشي اللي مب حلو مآشي درجآت متنوعه , يعني هالكريم اساس بالاصل من الشركة درجاته شوي 

ولآ كالعاده ساحبين علينا ويطرشون لنا كم درجه بسس ؟؟

وبعد الشي الي مب حلو فيه مآشي ضغآط , يعني تفتحين الغطا الاسود وتكبينه عادي , فهمتوو خخخخ ؟؟

الدرجه الي خذيتها ساند بيج , في المحل حسيتها أوكيه بس في البيت لآآآ مع آني مآجربتهآ ولآ فتحتها من برى بس 

يبآلي آجربه وآحكم لوول 

تغطيته متوسطه لـ ثقيله , ينفع لـ أوقآت المنآسبآت , وما ينفع يومي آبدآ لآنه شبه ثقييل 

طبعا هالكلام مب من تجربه بس هآ الي قريته في كل مكآن والعاملات بعد قآلو نفس الكلآمم :)

مآسكرآ من برجوآ آثنين في وآحد , أو مآسكرتين في مآسكرآ وحده xD

عبآرة عن جزئين جزء للتطويل والجزء الثآني للتكثيف , فـ آظن بيكون شغلهم ججبآر , آي هوب لوول 

وبعد كآن خآطري آجرب مآسكرتهم الي لونها وردي كآمل , شكلها حلوو خخخخ بس قلت عقب لما يخلصون الي عندي 

اما الماسكرا الثانيه .. طبعآ ميبلين مآشآء الله تبآرك الرحمن ولآ مآسسكرآ عندهم كل شي مخلص 

فـ ظهرت من سنتر بوينت وسرت صوب كآرفور عسب آخذ لي الكريمآت وهالسوآلف 

وآحلى شي في كآرفور بعد انه عندهم قسم محلات ميبلين وريميل وريفلون وماكس فاكتور وغيره 

فـ اذا فيه شي مآلقيته في سنتر بوينت على طول آظهر وآسير كآرفور , وفي اغلبيه الوقت آلآقي الي ابغيه عندهم 

لآن آغلبيه البنآت يآخذن من سنتر بوينت ونآدرآ من كآرفور ممكن لآنه مكآن زحمه وفيه كل اصناف الناس ومآ تآخذ رآحتها في التجربه

اذا بآخذ شي من عندهم آكون عآرفه اصلا شو الي ابغيه ف على طول آخذه وآظهر 

بس والصدمه الثانيه حتى كارفور فآضضي مآلقيت الا هالماسكرآ ام كلآم آزرق فـ حبيت آجربهآ 

وشفت مآسكرآ ميبلين لونهآ آسود والكلام بالفوشي آظن , فيه آحد جربهآ ؟؟ الي جربتها تعطيني رآيهآ بليز D:

قلوسين من نكس 

الي ع اليسآر مششهور والكل يمدحه , شكله مربع بس في الصورة ظاهر مدور 

درجته بيج نآتشورآل طبيعيه جدآ ومنآسبه لـ كل الآوقات 

اما الثاني الي ع اليمين وردي نآتشورآل أول مره آشوفه عندهم وماعرفت شو الفرق بينه وبين الي عداله :\

كل الأروآجج الي عندي نوعيتهاا ماااات ولا روج قلوسسي , ونادرا يكون عندي قلوسات بعد

وفجأة طقت بـ رآسي الاا ابغي روج كريمي وترطيبه عآلي مع لون 

لآنه في البيت مثلآ أو الطلعات الخخخفيفه يكون خآطري آحط روج وفي نفس الوقت مآيكون مططفي بزيآدة أو مب مريح وثقيل

فـ حلو تستخدمين شي خفيف ترطيب وفيه لون 

وعلى طول ذكرت ريفلون اللب بتر الي ع اليمين , والي عداله الي ع اليسار ماعرف شو اسمهم بس اسميهم ارواج بو مربعات

المهم هالنوعيتين بالذات ترطيبهم قوي + لون 

وتنفع وبقووه للجامعه وآوقات الصببح , ومرييحهه يالله تججنن صح انها مب ثابته لانها كريمية بس عادي تسوى 

هالدرجتين الي خذتهم , طلعن قريبآت من بعض للآسسف بدون مآ آنتبه :\ 

الدرجه الي ع اليسار كنت خصيصا ابغيها لآن البلوقر امل terter-thinks حطتها ع الانستقرام وقالت انها شبيهة من روج شآنيل 05 

ودرجه روج شآنيل من زمآن عاجبتني بس مآدآمني لقيت البديل آوفر ههههه xD

بنآت الي جربت درجات ثانيه ححلوه من هالارواج يآليت تخبرني ^.^

نكس ليب لآينر لونه وردي بس في الصورة طالع غامق بزيآده :\ الدرجه والاسم وآضحين 

طبعآ مآ يحتآج آتكلم عنهم لآنه من قريب كتبت بوست خآص بـ محددآت نكس 

Nyx Lip Liner Review .. محددآت نكس

من الآشيآء الي كنت ابغيهآ تحديدآ من سنتر بوينت الكحل البيج من مآكس فآكتور رقم 90 

بمآ آنه بديل للون للآبيض ولونه آهدى شوي ع العين وآخف 

بس للآسف كآن مخلص ودورت عليه وقلت لهآ مآ تخلي مكآن بس للآسف مآلقته 

وكآن موجود بس القلم التستر وفكرت آخذه , بس عقب عقلت الحمدلله وقلت ميه وحده استخدمته قبلي مآيندرى 

فـ خذيت كحل ابيض من برستيج 

ولمآ سرت كآرفور خطفت على مآكس فآكتور ولقيت كميه محترمه عندهم 

عيوني آستوت قلووب أول مآشفته مآ صدقت خخخخ إلآ هو كحل عافان الله , آن شآء الله يكون قد السمعه xD

[ كآرفور ] 

آذآ دخلت الجمعيه أو كآرفور صوب الكريمآت والغسولات وهالسوالف خلآص محد يقدر يمسكني 

على طول مزآجي يروق وآحسه عآلم ثآني 

آحب آفصفص كل شي وآقرآ كل الي مكتوب سوآء ع الكريمات او اللوشنات والمقشرات وغيره 

وآمششي شوي شوي وآشتري على روآق , بـ آختصآر هالمكان عششق مب طبيعي بالنسبه لي 

ولمآ آشتري منه آحس ب متعه آكثر من الميك آب 

وآحلى شي انه كل المنتجات طبيه ومضمونه يعني مآبتضر البشره ولآ الجسم بآذن الله 

بعض المنتجات من غارنييه , من اليمين :

كريم مرطب ليلي للوجه , ل كآفه أنواع البشره , ان شاء الله يظهر آوكيه بعكس القديم الشين الي خذيته من عندهم :\

 عداله البيبي كريم الي صآر له سب ولعن مآ صآر ولآ استوى بعد مآكآنو مطيرينه للسمآ 

بس الي طمني آنه ينآسب البشره الجافه فقطط ويرطبها آكثر , من قبل خذيته بس الدرجه كآنت ميديآم وطلع لونها غامق علي  

فـ حبيب آجرب اللون الفاتح وآحكم عليه لآنه ربيعتي وآيد تمددحه وقآلت حلو ومنآسبهآ 

امآ الي عدآله الشركة حبت ترآضي صآحبآت البشرة الدهنيه والمختلطه فـ آنتجت بيبي كريم يديد 

طبعآ شششكله آحلى بوآآيد من القدييم , مع انه الفرق انه طويل وضعيف بسس لكن شكله يجنن ->> مع البآآب خخخخ

الدرجه الي لقيتها كلهآ ميديآم مآفيه ولآ لآآآيت , وكنت خآيفه انه يظهر غامق وينفر مع اخوه القديم 

فـ طبعآ مآشي حل إلآ أن آختي تغطي علي , وآفتحي يآ سآم الكريم وحطي شوي على ايدج وسكريه بسرعه ورديه مكانه

ويآ دآر مآ دخلج شر ولآ من شآف ولآ من درى , بس لونه كآن آوككيه ومنآسب فـ خذيته 

طبعآ بشرتي جآفه وآدري دآخله عرض , بس عآدي ترآني آستخدم فآونديشنآت مطفيه ممافي آي مشكله عندي خخخ

امآ الآخير كونسيلر خفيف للهآلآت , مآعندي هالاات الحمدلله بس قلت بجربه اذا بينور لي المنطقه الي تحت العين

وكنت ابغي اعرف الدرجه بالضبط اذا مناسبه ولآ لآ وقلت بفتحه بس حسيت اني مصختها شوي وبنكشف :\ 

منآديل جونسون المبلله , سريعه حلوه لـ مسح الميك آب + قطن جونسون 

وآسكينول بالليمون معرووف آظن , مع انه شي وآيد بنآت يسبونه ويقولون يطلع لهم حبوب ومشآكل 

بس عن نفسسي وآيد منآسبني ومن فتره طووويله آستخدمه , وبالعكس هو آفضل منظف للبشرة من الميك آب بالنسبة لي

ويتوفر في كل مكان دكآن سوبرمآركت المريخ آي مكآن 

فآزلين زبدة الكآكآو , ترططيبه عمميق وينفع للبشرات الجافه آككثر , آستخدمت بعد فازلين موحد اللون

بس ترطيبه وآيد خفيف وبسرعه تتسربه البششره , ب عكس زبدة الكآكآو آثقل منه 

فآزلين الجلي تكلمت عنه من قبل له كذآ آستخدآم مرطب أو مقشر للشفآيف + مسح ميك آب العيون + مرطب للقدمين 

وقبل لآ ترقدين تمسسحين به على رموشج ووآيد آوككيه للرموش  ..  ومرطب لآبيلو معروف 

امآ الآخير كريم العناية النهارية من نيفيآ , لحد الحين آعآني وادور الكريم الي ابغيه القديم بس مالقيته خخخ 

ويوم شفت هاه في الكرتونه قلت يلا يمكن يطلع هو نفسه القديم , وطلع نفسسه بس لون الغطا غير هذا احمر والقديم آزرق 

بس آتطمنت قلت بلآقي آخوه آككيد عقب خخخ 

ع اليمين مقشر ستيفز بـ خلآصه المشمش , وآيد بنآت في الاقلاع يستخدمونه وعليهه مددح مب صصآحي 

شفت كذا نوع عندهم وآحترت آي وآحد التوب فيهم , بس عقب خذيت للبشرة الجافه والحساسه , 

الي في النص بودي سبرآي ريحته حلوه وخفيفه يعني حلو للبيت  , والآخير لصقات بيوريه للرؤوس السودآء 

[ مآك ] 

خطفت على مآك لآني كنت آبغي بودرة الستوديو فكس 

بس آنصدمت بـ آسعآرهم الي يررفعونها كل شوي ؟ آمآنة لوين يبغون يوصلون , شي يققهر ووربي آحسه آستغلال 

يعني الروج الي خذيته من عندهم سعره بـ 95 

قبل فتره مب طويلة كنت في دبي مول وخذيت أروآج من عندهم وسعر الروج كآن 90 , يعني رفعو 5 درآهم ع الروج الواحد  ؟

وللحين محتفظه بـ كرتونه الروج القديمه ومكتوب فيها السعر 90 , وهالكرتونه مكتوب 95 

ششي يقههر اذا اي وحده عندها حل أو اذا كلمنا حماية المستهلكك بيستجيبون لنآ يآليت تخبرني ولآ لو نسوي حملة مقاطعه

طبعا بعد مآ شريت هالآشيآء ورديت البيت لآحظت أنه الآسعآر آرتفعت :)

بودرة الستوديو فكس 

مآك عندهم 3 أنواع للبودره المضغوطه المينيرلآيز الي هي تغطيتها جدآ خفيفه وطبيعيه 

والسيليكت شير تغطيتها متوسسطه , والستوديو فكس تغطيتهآ ثقييله وفل ككفرج وتنفع للمنآسبآت آكثر شي لآنهآ ثآبته

تعتبر من آشهر وآفضل الكومبآكت بآوددر 

مب شرط تغطيتها ثقيله ومطفيه انها تناسب صاحبات البشرة الدهنيه فقط , أو المينرلآيز تنآسب صآحبآت البشرآت الجافه

اذا بشرتج جآفه آهتمي بـ ترطيبهآ شوي وآستخدمي الي تبينه عآدي جدآ مب شرط تتقيدين ب شي معين 

الدرجه الي خذيتهآ NC40 

روج بليز مي من آفضضل الدرجآت الي عند مآكك , وكنت آبغيهآ خصيصآ لآنه الي عندي مآدري وين آختفت 

نوعيتهآ مآت , لونهآ وردي فآتحح على بيبي بينك وتنآسب آغلبيه البشرآت 

بس بالنسبه لي اذا بستخدمها لآزم ميك آب ولآ يكون شكلي كآني مريضه بسم الله خخخ 

تنآسسب وبقوه اللوك السموكي يعني اذا كآن ميك آب العيون سموكي وآوفر بتكون جدآ منآسبه 

وتنآسسب بعد اللوكك الخفيف والطبيعي , ولوكك الددول الي يكون مركز على عدسآت بق مكبره ورموش كثيفه ورسمه توسع العين

يعني شرآت الرسوم اليآبآنيه خخخخ , وفيه فيديو مشهور لـ حنآن النجآدة طبقت فيه هاللوكك وآبدعت فيه 

بلآششر لونه تقريبآ على بني مطفي , ينفع بلآششر + كونتور 

كنت آبغي آصصلآ درجة هآرموني بالذآت , بس ظهرت مخلصه للآسسف , وقلت لهآ آبغي درجه قريبه منه ف عطتني هاللون 

وططبعآ البلآششر بعد آرتفع سعره :)

..

وبسس هذي كآنت مشتريآتي للفتره الي طآفت حطيتهآ بـ طلب بعض البنآت ♥

ولآحظت أنه بوستآت المشتريآت هي الآكثر مشآهده عندي أو عند غيري بعد 

وبالنسسبه لي آحب آششوف مشتريآت البنآت وذوقههم خصوصا بالميك آب , ودآيمآ مستنره في موضوع الاقلاع البيوتي شو آشوف المشتريآت والخرآبيط p;

ع العموم آي سؤآل أو استفسآر أنآ حآضره هنيه أو ع الآسكك , واذا عندكم آي آقترآحآت يآليت تخخبروني ^.^

بتلآقوني آكآونتي في الاسك + التويتر فوق ع اليمين , ولآ تنسسون الفولو والريتويت ♥♥♥

شككرآ ♥♥